Ushbu kitob marhum alloma, mumtoz adabiyot donishmandi Botirxon Akramning “Fasohat mulkining sohibqironi” va “Navoiy shohbaytlari” asarlaridan tarkib topdi. Kitobda ulug‘ mutafakkir shoir, “so‘z gavhari”ning valiyulloh nafasli suxanvori va xazinadori bo‘lmish Mir Alisher Navoiyning shohbaytlari, ularning rangin suvratida aks etgan, purdard siyratiga singdirilgan falsafiy, ruhiy, ma’naviy nuktadonliklar, badiiy, musiqiy, tasviriy lavha-manzaralar – mo‘jizu solim timsollar kamoli muhabbat va rag‘bat bilan sharhlanadi.

Kitob hazrat Navoiy she’riyatining barcha ixlosmand muhiblari hukmiga havola etiladi.